Áður
en hundar og kettir eru fluttir til Evrópu þarf að
bólusetja þá gegn hundaæði. Hundaæði
finnst ekki á Íslandi og því er ekki leyfilegt
að bólusetja gegn sjúkdómnum nema að
fenginni undanþágu. Dýralæknirinn þarf
því að sækja um heimild hjá Matvælastofnun
(yfirdýralækni) til að kaupa bóluefni fyrir
hvert og eitt dýr. Dýrið þarf að vera
örmerkt áður en bóluefni er pantað.
Einangrun
eftir bólusetningu
Í 4 vikur eftir bólusetningu gegn hundaæði
skal halda dýrum einangruðum eins og kostur er (ekki fara
með þau á hótel eða hundasvæði
og ketti skal loka inni). Fjarlægja skal saur og annan úrgang.
Ef dýrið bítur (dýr eða manneskju) skal
tilkynna það til dýralæknis/læknis.
Noregur
og Svíþjóð – 4,5 mánaða bið!
Dýr sem fara til Noregs eða Svíþjóðar
þurfa að fara í blóðprufu þar sem
mótefni gegn hundaæði eru mæld (staðfesting
á að bólusetning hafi skilað árangri).
En ekki má taka blóðprufuna fyrr en 4 mánuðum
eftir bólusetningu. Blóðprufan er send utan, yfirleitt
til Danmerkur og niðurstaða liggur fyrir innan tveggja vikna.
Mótefni verða að mælast jafnt og eða yfir
0,5 einingar / ml. Ef gildið er lægra þá þarf
að endurtaka bólusetninguna (það er sjaldgæft).
Bretland
og Írland – 7 mánaða bið!
Hundar og kettir sem fara til Bretlands þurfa einnig mótefnamælingu.
Í þeim tilfellum má þó taka blóðprufuna
1 mánuði eftir bólusetningu og ef mótefni
mælast nægilega há má flytja dýrið
inn í landið 6 mánuðum eftir að blóðprufan
var tekin.
Færeyjar
Færeyingar gera eftirfarandi kröfur: hundar þurfa
að vera örmerktir og bólusettir gegn hundaæði,
hundafári, smitandi lifrarbólgu, smáveirusótt
og hótelhósta auk leptospirósu; kettir þurfa
að vera örmerktir og bólusettir gegn hundaæði,
kattafári, kattaflensu og kattakvefi. Ekki má líða
lengri tími frá bólusetningum en eitt ár
og ekki skemmri en einn mánuður. Þ.e. ef útflutningur
er áætlaður í júní 2011 þá
verður dýrið að hafa verið bólusett
á tímabilinu júní 2010 til maí
2011.
Önnur
Evrópulönd (þ.m.t. Danmörk)
Þau dýr sem fara til annarra Evrópulanda má
flytja út 3 vikum eftir bólusetningu.
Ormahreinsun
og útflutningsvottorð – gildir um öll dýr
/ öll lönd
Nokkrum dögum (hámark 10 dögum) fyrir útflutning
þarf að koma með dýrið í skoðun
þar sem því er gefið ormalyf og svo er útbúið
útflutningsvottorð sem þarf að fylgja dýrinu
í flutningnum. Vottorðið sjálft er útbúið
af dýralækni stofunnar en svo þarf opinber dýralæknir
(á vegum Matvælastofnunar) að stimpla vottorðið.
Ferlið
er því eftirfarandi:
1) Láta
örmerkja hundinn/köttinn ef það er ekki þegar
búið.
2) Panta hundaæðisbóluefni (Dýralæknastofan
sér um það)
3) Fá tíma í bólusetningu (við fáum
bóluefnið yfirleitt innan fárra daga)
4) Ef mótefnamæling er nauðsynleg þá
skal panta tíma í blóðprufu þegar
tími er kominn til þess. Svo er haft samband við
eiganda þegar niðurstaða berst.
5) Þegar styttist í brottför þarf að
fá tíma í ormahreinsun og útflutningsvottorð,
nokkrum dögum fyrir útflutning, mest 10 dögum.
